ចរឹកនយោបាយ

១. នយោបាយ គឺជាយុទ្ធសាស្រ្ត។ យុទ្ធសាស្រ្ត ពុំនិយាយអំពីសីលធម៌ គុណធម៌ មេត្តាធម៌ និងករុណាធម៌ចំពោះសត្រូវនយោបាយណាម្នាក់ឡើយ។ នយោបាយ តែងនិយាយតែពីប្រយោជន៍ជាយុទ្ធសាស្រ្តប៉ុនណោះ។ លើសពីនេះ នយោបាយគឺនិយាយអំពីឆន្ទៈច្បាមយកអំណាចមកទុកក្នុងដៃ។

២. សៀវភៅ “Will To Power ឬ ឆន្ទៈឆ្ពោះទៅយកអំណាច” ដែលនិពន្ធដោយទស្សនវិទូអទេវនិយម ហ្វ្រីឌ្រិច និហ្សឺ (Friedrich Nietzsche) បានលើកឡើងថា “អ្វីគ្រប់យ៉ាងដែលរដ្ឋាភិបាលនិយាយ គឺសុទ្ធតែជាការបោកប្រាស់ ហើយអ្វីទាំងអស់ដែលរដ្ឋាភិបាលមានសព្វថ្ងៃ គឺសុទ្ធតែបានមកដោយសារតែការលួចប្លន់”។

៣. និយាយដោយរួម មកដល់ពេលនេះ មិនថាយើងរស់នៅក្នុងសង្គមណាទេ មិនថាយើងស្ថិតក្នុងអង្គការចាត់តាំងណាទេ ឬមិនថាយើងស្ថិតក្នុងបក្សនយោបាយណាទេ យុវជនត្រូវហ៊ានគិតការពិត ត្រូវហ៊ានមើលការពិត កុំចាញ់បោកអ្នកសម្តីអ្នកនយោបាយណាឱ្យសោះ។

៤. ចុងក្រោយបំផុត នយោបាយ គ្មានគិតសោះឡើយពីរឿងមេត្តាធម៌ សណ្តោសប្រណីដល់នរណាម្នាក់ទេ។ ក្នុងរឿងនយោបាយ មានតែស្លាប់និងរស់ប៉ុនណោះ (Zero-sum game)។ ក្នុងសមរភូមិសង្គ្រាម មនុស្សម្នាក់មានជីវិតមួយគត់ តែក្នុងសង្គ្រាមនយោបាយ មនុស្សម្នាក់មានជីវិតរាប់រយ៕